HELBURUAK

GeOstraka gunearen bidez baliabide elektroniko bat eskaini nahi diegu gaian interesatuta dauden pertsona guztiei, Iruña-Veleian (Araba, Euskal Herria) aurkitu ziren “ezohiko grafitoen” auziko alderdi ezberdinetan sakondu ahal izateko. Grafito horiek 2005 eta 2006 urteetan aurkitu ziren gehienbat, Eliseo Gil Zubillaga eta Idoia Filloy Nievak zuzendutako Lurmen S.L. enpresak burutu zituen indusketetan. Honako hau da gure abiapuntua: ez dagoela behar bezala frogatuta piezen faltsutasuna, eta benetakotasunaren aldeko zantzu ugari dagoela. Horregatik, grafitoen benetakotasunari buruzko gogoeta jator eta gardena bultzatzea da Iruña-veleia gunearen helburua, eta aldi berean piezen azterketarako metodologia zientifiko serioa proposatzea. Helburu hau begi-bistan izanik, hona hemen Iruña-Veleia-ren asmoak: Hemen aurkituko duzu xehetasun gehiago. Sartu

Eskerrik beroenak eman nahi dizkiet egiaren bila ari direnei, edozer izanik ere egia

Mila esker webgune honek argia ikus dezan zuen laguntza desinteresatua eskaini duzuen guztiei. Ahalegin handia eskatu du, oso handia, baina merezi izan du.

Bereziki eskertu nahi nituzke: Patxi Alaña (euskera), Antton Erkizia (euskera), Tomas Elorza (euskera), Jose Antonio Villar (frantzesa), Jon Urruxulegi (ingelesa), Estitxu Breñas (Audio-gidaren ahotsa), Juan Martin Elexpuru (grafitoen zerrenda eta tematika).

Egitasmoa eta Zuzendaritza: Karlos Uraga